إسأل مجرب: إزاى تغير أسم الدومين؟ (Case study) - Touch for IT solutions
إسأل مجرب: إزاى تغير أسم الدومين؟ (Case study)

إسأل مجرب: إزاى تغير أسم الدومين؟ (Case study)

انك تغير اسم الدومين ده موضوع خطر جداً فى حالات خسرت كل اللى عملته فى الكلمات المفتاحية و مكانها فى محركات البحث، عشان كده هشارك معاك تجربة حصلت معانا فى تغير اسم نطاق و نجح بنسبة 80%.

1- حلل تتطمن:

الوضع الحالى للموقع القديم مهم جداً قبل النقل لموقع جديد، عشان كدة ممكن تستخدم الـ Tool دى من  (OSE )MOZ هتقدر تحدد اللينكات اللى شغالة و عليها ترافيك و الـ Backlinks جمعهم و حطهم فى شييت يكون بالشكل ده:

2- بص فى ورقة اللى جنبك (content migration):

هنا هتلاقى انها خطوات يعنى الاول انشئ الموقع الجديد على الدومين الجديد (New Domain) مع ملاحظة انك تستخدم نفس الـ Platform يعنى لو بتستخدم wordpress فالقديم يبقى كذلك فى الجديد و لو مثلا الموقع كان معمول (asp c# .net) يبقى الجديد يكون كده.

ثانيا ممكن تعدل المحتوى و تعمل updates فيه لو كان محتاج ممكن تعمل تصميمات جيدة للصور او تمسح محتوى فقد اهميته او صفحات لا تستخدم.

ممكن تعمل إعادة تهيئة (recreate) لبعض المحتوى يعنى تحول مقالات الى Infograph  أو العكس، بحيث يكون بيخدم المحتوى و الزوار يستفيدوا بشكل اسهل.

و فى الأخير حدد المحتوى اللى هتنقله للموقع الجديد.

3- باصى لزميلك (URLs Map):

بعد ما خلصت نقل المحتوى من الموقع القديد روح على الشيت اللى عملته عشان تحط اللينكات الجديدة و تعمل Map يكون فيها اللينكات الجديدة و تتأكد منهم علشان الخطوة اللى جايه مهمة جداً

4- مش من هنا .. من هنا (301 Redirection):

بعد ما تخلص الـ Map URLs هنستخدم 301 redirect وده عشان يقول لمحركات البحث اننا نقلنا اللينك ده من هنا الى الجديد و ده اللى هيحافظ على الـSEO اللى موجود على الموقع القديم انه يوصل للدومين الجديد.

و كمان لو شغال PHP أو wordpress ممكن تستخدم  htaccess. و اللى هيسهل كتير على محركات البحث و يساعد الحفاظ على SEO بشكل كبير.

5- الحياة ايه غير شوية إختبارات فوق بعض:

بعد ما نفذت اللى الخطوات اللى فاتت مش فاضل قدامى غير انى أختبر اللى حصل على الواقع و اشوف النتيجة بتاعت الـ Redirection ايه؟؟؟

طبعا الموضوع ممكن يكون فية خطأ او اكتر ساعة التنفيذ يعنى لينك راح على مقال تانية مقال متكونش اتحطت على الموقع الجديد و هكذا لكن النتيجة النهائية كانت جيدة جداً 80% و مع الوقت وصل 100% بعد الإختبار على الواقع.


الوقت المستخدم للانتهاء من هذه الحالة كان 3 شهور و لكن إحنا سيبنا الموقع شغال لمدة عام علشان البريد الإلكترونى و اللى قمنا بعمل Auto forward لكل الـ Emails إللى عليه على الـ Accounts الجديدة و عملنا Auto respond من الـ Accounts  القديمة بالـ Accounts الجديدة، عشان الناس تعرف الحسابات الجديدة على الدومين الجديد.

Leave a Comment